Çështjet kryesore me të cilat përballet komuniteti turk i Kosovës u ngritën në agjendën e takimit të Intergrupit për Minoritetet Tradicionale, Komunitetet Kombëtare dhe Gjuhët, i cili vepron në kuadër të Parlamentit Evropian, në Strasburg. Takimi u mbajt nën drejtimin e Kryetarit të Intergrupit, Loránt Vincze, me pjesëmarrjen e Sevgi Buş Kika, këshilltare e Zëdhënësit të Partisë Demokratike Turke të Kosovës dhe Zëvendëskryeministrit Fikrim Damka.
Gjatë takimit u diskutuan të drejtat gjuhësore të komunitetit turk të Kosovës, sfidat në qasjen në arsimin në gjuhën turke, si dhe nevoja për përfaqësim më të fuqishëm dhe më të dukshëm në institucionet evropiane. Këto çështje iu paraqitën drejtpërdrejt anëtarëve të Parlamentit Evropian dhe u përfshinë në agjendën e tyre.
Në fjalën e saj, Sevgi Buş Kika theksoi rëndësinë e ngritjes së kërkesave të turqve të Kosovës në platformat ndërkombëtare, duke vënë në pah se institucionet evropiane duhet të tregojnë ndjeshmëri dhe angazhim më të madh ndaj këtyre çështjeve.
Ndërkohë, u bë e ditur se në kuadër të punës së zhvilluar nga Shoqata Unioni Rinor i Kosovës, në cilësinë e Përfaqësuese e FUEN-it (Bashkimit Federal të Nacionaliteteve Evropiane) për Kosovën, po vazhdojnë me vendosmëri aktivitetet për rritjen e njohshmërisë së komunitetit turk të Kosovës pranë institucioneve evropiane.
Shoqata Unioni Rinor i Kosovës mbetet e përkushtuar në vazhdimin e përpjekjeve për ruajtjen e gjuhës, identitetit dhe trashëgimisë kulturore të komunitetit turk të Kosovës, si dhe për mbrojtjen e të drejtave të tij dhe përfaqësimin më të fortë në nivel ndërkombëtar.
